機頂盒 2.5℃ 的分別

C_Law

五年機齡的機頂盒。

2009 年初買入，2013 年中不能開機，換了塊二手電源板後復活，之後亦換了原來塊電源板的部份電容。兩塊電源板都用得。
http://www.hkepc.com/forum/viewthread.php?tid=1966289
http://www.hkepc.com/forum/viewthread.php?tid=1974083

2014 舊曆新年後，部機開始出現多種問題：忽然自動 Reboot、用用下畫面定格、偶然睇完亞視的標清台再轉去睇高清會嚴重起格(要 Reboot 才能回復正常睇高清)、用用下忽然認不到個硬碟(經外置 HDD 殼駁 3.5" HDD，有獨立電源)、有時預校錄影會在無厘頭時間開始錄……總之問題多多，尤其是自動 Reboot 及認不到硬碟特別嚴重，閒閒地睇一晚電視可以出現兩、三次！

心諗都是時候換機，不過送去堆填之前都想盡下最後努力，度過兩塊電源板的電壓都正常，開始諗其它原因，最後查得的結果竟然是最意想不到的過熱(因為是新年後最凍的日子開始頻密出現問題)。

原本部機的主板上有一排無焊針的插頭位，用它錶度過，其實同主板上駁去電源板的插座是互通，估計這類 OEM 機 Layout 塊板預計駁不同的電源板。既然本身已有一排位，自己焊一排插座上去就好容易取電。



之後駁個 5cm 12V 風扇($10@鴨記新昌)，離遠吹向主板中間個散熱器(本來只打算初步試下，未有認真想辦法將風扇固定在接近散熱器附近，我見機殼底有通氣口，就用包了膠的鐵線穿過通氣口用來綁實個風扇，所以都離開幾遠)。結果開了一個星期，未試過睇電視時出問題！至於我不在家的時候有無 Reboot 過就不得而知啦！



之前新買枝電腦 USB 數碼電視手指，玩開測溫：
http://www.hkepc.com/forum/viewt ... &extra=page%3D1

昨晚照辦煮碗去度下部機頂盒的外殼溫度，我將粒 LM35 貼在藍圈位置(大約是散熱器之上)，結果無風扇和有風扇相差約 2.5℃，就是這小小分別，由原來無風扇的晚晚自動 Reboot 兩、三次變成有風扇的一個星期都無 Reboot 過一次！

藍色：LM35 貼在電風扇前吹凍到室溫
紅色：機頂盒殼頂，機頂盒有開風扇
綠色：有線電視解碼器(非高清版)做個比較
紫色：機頂盒殼頂，無開風扇

不過，雖然近日天氣回暖，但溫度同夏天仍然有好大距離，所以都不知道部機能否挨得到夏天的高溫。暫時用住先，或者在機頂盒個殼頂(藍圈位罝)開窿將風扇近距離吹住散熱器。其實個殼的設計都有點怪，通氣口(紅圈)並不是開在最熱的地方。

雖然暫時用得，不過把風扇都幾嘈，半夜起身行出廳，只要留心聽，站在睡房門口離遠聽都已經聽到聲。好在睇電視開著喇叭聲就不會太覺得有風扇聲。

之前在另一個 Post 講開機頂盒電源板，當時忽發奇想，諗到用電腦 ATX 牛代替機頂盒的電源板，甚至將整部機頂盒裝入電腦殼內，初步都度過位是可行，不過既然現在把風扇仔似乎暫時解決了問題，所以不搞了。

整部機頂盒連殼放入電腦殼


打開機頂盒外殼


紅白黃頭對正電腦殼 Slot 位，雖然會阻止色差同 S-Video，但我只需要紅白黃


移過小小，剪走其中一條 Slot 位的鐵片，應該可以全部插頭都用得

peter95811658

被動式散熱,如果外殼差2.5度,內部好可能差兩倍以上

jackwong717

改把大扇係個頂直吹都應該唔錯架

TH30

先給個讚   　
　　　
唔係質疑，純討論下
1. 發熱情況應一直存在，點解到今時今日先過熱？係咪零件本身老化有影響？
2. 看圖片機頂盒似是鐵殼？如果有辦法將晶片／散熱片接上機殼，可能不用加風扇也夠散熱

r320sc

多年前o係華強定塞格買過老翻有線機頂盒
又是要只自己外加風扇, 去避開熱得滯, 會黑屏o既問題...

alex008

加風扇落heatsink吹走熱氣米得

airtrek

加把 12" 放機頂, 應該已經 Ok.

bubibubi

very detail information, thx for sharing

C_Law

先給個讚   　
　　　
唔係質疑，純討論下  
1. 發熱情況應一直存在，點解到今時今日先 ...
TH30 發表於 2014/3/30 00:29

我都明，應該係有其它問題，不過用得一日得一日啦。

目前用緊大牛龜電視機，不太想再買機頂盒，只係想挨到電視機都壞(or 頂不順睇大牛龜電視)，就一次過換部 iDTV。不過要換都幾大工程，事關原有牆身個櫃放不落大電視(如果要放，只放到 25" 16:9，但螢幕高度會細過現在部 25" 4:3)，一換就要換埋個櫃，等於裝修過半個廳！

TH30

我都明，應該係有其它問題，不過用得一日得一日啦。
C_Law 發表於 2014-3-30 06:36 PM

點止一日丫, 你直頭過得一年就一年添啦
你用左貴過個盒本身幾倍既人工, 換取延長左佢原來幾倍既壽命