[開箱] CHUNGHOP E885 有學習功能的萬用遙控器

C_Law

更新：20# 有說明書

原廠網址：
http://en.chunghop.com/products_detail2/&productId=7d460809-3f0f-4d09-ab32-c12e2cd1d185.html

大約十月尾買，鴨街價 $33(昌記)，有 8 個 Device page，實際可用的按鍵有 44 個(已扣除 Set、Learn 和 8 個 Device key)。說明書有英文、西班牙文、葡萄牙文和意大利文，無中文！

我買到的遙控器實物圖片：


包裝類似(非官網的網上圖片)：


留意，雖然以上兩幅圖都是 E885，但非官網找到的圖片，按鈕排列同我買到的並不相同，而網上找到的說明書也跟我這個的不一樣(無論 Code list 、可學習鍵數和學習方式都不一樣)。除此之外，原廠網址的簡介話用 2xAAA 電，但實際上，我買到的遙控器是用 2xAA！

各按鍵的手感都不錯，而且數字和 Play、Stop 之類的控制鍵都幾大個，就算手指粗都應該容易按。

說明書大致上算是寫得易明，但無寫到可學習的鍵數，而我自己試到最多學到 122 個鍵。

其中 TV1 個 Page 跟 Code list  入 Code 的話，如果其它 Device page 入的 Code 本身無 Vol+、Vol- 和 Mute 的話(eg. 錄影機的Code 通常無用這三個鍵)，其它 Page 的這三個掣會自動跟 TV1。 例如 TV1 page 入了電視機個 Code，而 SAT page 入了錄影機的 Code，在 SAT page 都可以用這三個掣控制電視機音量。

同我之前買過另一個可學習的萬用遙控器比較(Chunghop RM-L988)，E885 在入 Code 和學習方面都比較好，Code list 上任何 Code 都可以入去任何一個 Device page，而且入 Code 後想學習個別掣都無問題。RM-L988 就差好多，Code 要跟 Device page 用，例如錄影機的 Code 只能入去 VCR page，如果有兩部錄影機，就算我不用 AUX page，都不能入另一部 VCR 的 Code 入去 AUX page，只能在 AUX page 一個一個鍵去學另一部錄影機的訊號；另外 RM-L988 入 Code 去一個 Device page 後，這個 Page 就不能學新鍵，一學就 Reset 整個Page。

而 RM-L988 的優點是支援冷氣機，可學習的鍵數多(說明書話 224，但我無真正試過，我只是學了大約百個掣)，以及 5、Play、Channel Up 鍵有凸點，容易憑手感摸出來，不過其實摸慣用慣之後，有無凸點都無太大分別。

雖然暫時不知耐用程度，不過以 $33 的價錢，如果挨到一年，每日都不需一毫子，當買件玩具都抵！

最後，如果想用 E885 玩 WinLIRC，暫時試到三個 Code 幾好用：1100、1149、1189，比較小重複掣，分別可用到 42、39 和 42 個掣。

[更新 2014-12-24]
今日出開鴨街順便去睇睇，確定當日我是在昌記買(華輝面)，今日仍然有，照舊 $33。但改了包裝，現在似是原廠網址第四幅相的盒裝。個遙控仍然是紅色殼，Power 掣變了紅色。

mdws2002

我都係用開呢個牌子嘅學習型遙控。
不過我用RM-L350E，只係學得四組。

Vincent2006

我都買左呢個,親住其他原裝遙控未壞, learn晒D功能入去,唯一否吾得係部Philips
藍光機, 大部份制都learn錯
ps.都係昌記買, 出面牌檔開價$6x~70

logoff

我又係喺昌記買咗呢隻 E885，覺得好抵買。

feedback

脊remote舞左半個月有多先出帖，夠認真^^

TH30

回覆 1# C_Law

如果學冷氣，是不是自選任何鍵map返D制，eg. VOL + - 控制溫度，mute係swing之類？

C_Law

如果學冷氣，是不是自選任何鍵map返D制，eg. VOL + - 控制溫度，mute係swing之類？ ...
TH30 發表於 2014/11/24 22:18

有遙控功能的冷氣機主要分兩種，粗略來講，可以用 Display 的位置去分。

第一種是 Display 設於冷氣機的機面，顯示溫度、送風模式、冷氣模式。這種冷氣機可以用一般可學習的萬用遙控器，如你所講，例如用 Vol+/- 掣去學原裝遙控器的溫度 +/-。

第二種是 Display 設於遙控器上。每按一個掣，遙控器上的 Dispaly 會更新資料並將所有資料(包括當時的工作模式、溫度、時間掣……etc)一次過發送去冷氣機，因此，就算按同一個掣，例如目前顯示 25℃，按一下溫度+ 的掣，Display 的溫度改為 26℃，而遙控器所發出的訊號亦包含了 26℃ 的資料，再按一次同一個的溫度+ 掣，這次所發生的訊號就包含了27℃的資料，如此類推，即使是按同一個掣，但每次發出的訊號都是不一樣，所以不能用普通的可學習遙控器。只能用冷氣機專用的代用遙控器，而且冷氣部份只能跟 Code list 入 Code，不能學習，兼夾可能會失去某些功能，就好似我房部陳年"凶宅"機(買機當年仍然是 OEM 的日立機)，雖然我個 RM-L988 都支援日立冷氣，但只有最基本功能(溫度 +/-、風速 +/-、冷氣/淨風/抽濕模式)，預較時間開機/關機的功能就欠奉！就算夾硬學，都是一個掣學一個設定，eg. 1 號掣是大風/冷氣/25℃、2號掣是大風/冷氣/26℃，而不能好似原裝冷氣機遙控器去做溫度+/-。而且未必學得到，事關如我之前所講，每按一個掣，都是將 Display 的資料一次過發送出去，所以發射的訊號特別長，有學習功能的遙控器都未必學得到！(一般影音產品，一個掣的訊號有十幾至幾十個 Pulse，但這種冷氣機閒閒地過百個 Pulse，部冷氣機越多功能，Pulse 的數目就越大！)

TH30

回覆 7# C_Law

好詳細 我要睇兩次先明

咁想問下學左唔多部機，你點mark低咩掣係learn左咩功能？
整張貓紙？

digiman

雖然我個 RM-L988 都支援日立冷氣，但只有最基本功能(溫度 +/-、風速 +/-、冷氣/淨風/抽濕模式)，預較時間開機/關機的功能就欠奉！就算夾硬學，都是一個掣學一個設定，eg. 1 號掣是大風/冷氣/25℃、2號掣是大風/冷氣/26℃，而不能好似原裝冷氣機遙控器去做溫度+/-。而且未必學得到 ...
C_Law 發表於 2014-11-24 23:04

RM-L988 我都用緊，不過試過用唔到日立分體機，遲啲再試吓入code先

sunwawa

可唔可以代替小米 remote?

via HKEPC Reader for Android