買Dell買到Dell三聲

本帖最後由 PheniX01 於 2015-11-28 12:03 編輯

是咁的，我幾日前買左P2715Q
用左排就發覺出事，開機耐左之後Panel上所有掣都無反應，連Power掣都無，機都無得熄
而且仲偶然花一下畫面

咁緊係馬上換新MON啦，七日內一換一是常識吧
個支援已經有問題，咩都唔識咁，竟然幫我搖控裝Driver睇下有無用，我睇到R曬頭
中間好多onX事就懶得打，反正就係個支援不停做傻事
咁佢終於話ok換得，點知係搵師傅就咁送塊Panel黎換左佢
仲要佢無問我幾時買，原來佢本來係諗住換塊display品比我
之後我講左係七日內，但都係就咁送塊Panel黎就算
嘩你盒都無，我鬼知係新定舊，佢就只係話保證新
我話咁原廠既color calibration report有啦掛，呢下就經典啦

成個支援部由下至上竟然都唔知係咩黎，佢地係完全唔知MON係可以有色準要求架！！

傾左幾日佢地都話無呢張野，問工廠都話無，令我更加質疑Panel既來源
就算係新Panel，無Cal過既我咪即係買左殘次品??
叫佢Order一盒新既一換一又話做唔到，而家搞緊退貨
呢幾日傾起黎都搞到我好似係D麻煩顧客咁，其實我既要求真係咁過份咩??????

PS: 接電話班人係內地，叫佢google calibration report佢話得百度搵唔到，有D人連廣東話都講唔正......

Edit: 唔好意思用詞有錯，Panel指成個屏幕，唔係指塊液晶面板，即係只要由支架拆左原來既換左去就得
但係都無理由乜箱乜紙都無一句話新就要我信丫，特別係無calibration report呢點令我覺得換返黎既屏幕有古怪

Edit: 係咁意講下應付我條友有幾onX
首先佢要我拍片，咁我段片就一開始顯示緊Spyder(python IDE)，我禁曬全部掣都無反應
然後我打開Deus EX，轉resolution做1080時畫面會花曬，最後重開機, 斷input signal個一瞬間會花畫面同定住
之後佢打黎同我講唔係咁拍，唔可以run game，我R曬頭話我一開始都無run game，然後佢叫我熄曬所有program黎拍片
呢下我已經覺得佢99地，but fine，聽你講再拍
之後佢叫我裝跟碟既Driver，我話唔洗啦，試過Connect唔到我個MON
但佢堅持要我裝，咁我就問你可以經Driver upload個firmware?佢無答淨係叫我裝
我話裝好啦，我裝左網上down落黎既1610 version，因為裝CD個version裝完會叫你update，我就直接裝1610算
之後佢叫我上dell.com/888，打個佢比既code就可以睇到我電腦畫面
(呢下我覺得幾恐佈，用緊chrome無裝任何插件上個網已經可以比人見到電腦畫面?)
個網頁要我裝埋插件，裝埋就可以Control我部電腦
佢之後係我的電腦到睇左陣，禁左入去我個Data drive，我當場震一震，即刻搶返mouse pointer上一頁問佢到底想做乜
佢問我個DVD driver係邊，我心諗你係盲定低能定點，DVD同Data drive都分唔清??
我同佢講我裝左網上down既1610 version，佢就叫我放隻碟入電腦，我話佢會叫你update唔洗，但佢堅持要咁做
咁算我又照做，個Launcher打開後語言佢揀簡體中文，我心諗佢唔係內地人黎掛，Dell連香港既本地服務都無???
之後禁Install driver，個installer又問一次要咩語言
因為我電腦System係English，non-unicode係日文，所以得呢兩隻揀
我見佢係定左定，我已經掩住嘴笑，最後佢揀左English
之後installer去到問你tick唔tick個D options個頁，佢搞左好耐，我直情懷疑佢係唔識睇英文
裝個下installer都提佢已經有更新版本存在，係咪要覆蓋，佢又係等好耐先禁是
雖則佢99地，但都叫technical support，我就等佢表現，點知佢問:
而家再禁下D掣試下得唔得
WTF!?原來你真係當MON係顯卡咁裝Driver?咁我用Linux係咪無MON用?
我話唔得，咁佢就話ok換得

我覺得條友係唔識電腦，仲要裝左個搖控插件，事後我馬上clean reinstall個Windows

Edit: 成功了!!!!!!!!!!!!!
售後個邊收到TS確定我個MON係有缺憾後傾兩句就已經可以落新Order一箱換一箱
TS個邊無得落Order，只有Parts既倉
好心TS做唔到就Redirect我去售後啦!!!!!!!!

各位以後想一換一記住先搵TS證明問題，再搵售後聯絡TS之後落新Order