Rank: 7 Rank: 7 Rank: 7 Rank: 7 Rank: 7 Rank: 7 Rank: 7

1^# 跳轉到 » 倒序看帖

打印

字體大小: tT

發表於 2016-6-25 23:22 | 只看該作者

[開箱] 強迫症患者之開箱■Fender FXA7開箱到2樓■聽感繼續更新3樓

本帖最後由 chromechan 於 2016-7-13 02:08 編輯

聽感..........
用SE215比較？我真係唔識點樣比較......差距太遠

今日試過大約5隻耳機，好似係

首先講下A3先，人聲尚算可以，低音量足夠，如果平時行街聽下嘅話就幾好，只可惜外形設計方面，感覺上比較容易甩出嚟

之後就去到Z5，人聲，低音同A3相比強化咗一層，好似一隊band加咗十個人咁樣，至於官網嘅價錢值唔值得就另計，實際買到嘅價錢亦可以接受，可惜嘅仍然係外型設計比較容易甩出嚟

去到星際不停問FXA7有冇貨，結果冇一間有....然後無聊之際試咗SE846，手機明顯推力不足，就算開埋Z5 Premium上嘅DSEE HX功能，雖然推力感覺有所提升，不過仍然係差一截，而低音方面，佢嘅類subwoofer設計令動鐵單元嘅低音更加強大，不過低音能力上靚動圈始終會略勝一籌(至少係我咁樣認為)

之後去到友誠，終於搵到FXA7，我當然就係急不及待試聽啦，試咗幾首歌，低音量雖然略比Z5小，喺人聲，樂器相對比較平均，外形有啲似CM耳機，不過如果同一隻耳機有多種顏色選擇，相信會更加好，而耳機上嘅螺絲相信係為咗呢樣嘢而設？呢樣嘢就不得而知，呢個時候有師兄叫我冷靜下，食個M記，飲杯汽水先，所以我就放低咗

落去冷靜(街上面好熱呀....)，呢間舖頭喺9樓，因為佢哋睇落去好多耳機咁樣，所以我一次過叫佢攞兩隻，分別係IM04同埋FXA7，經過比較，我就更加唔識選擇，因為兩隻耳機嘅取向都有唔同，各有所強，而呢間舖頭仍然係冇貨要等兩星期

喺呢個時候，我已經心有所屬啦，所以我就睇價格.com.hk逐間打電話問，打咗3間，分別有唔同價錢，到最後就選擇咗最平嗰間......同最貴(已打折)相差足足500，變相可以買到平平地嘅8芯線

SE215試過

https://www.facebook.com/frescoworkshop

去到呢度，各位師兄係唔係好心急呢？估唔估到我最後選擇咗邊隻耳機？

可以選擇以顏色表示

開咗估，請到2樓細心欣賞

0

0

chromechan

Moderator

Rank: 7 Rank: 7 Rank: 7 Rank: 7 Rank: 7 Rank: 7 Rank: 7

2^#

發表於 2016-6-25 23:23 | 只看該作者

本帖最後由 chromechan 於 2016-6-25 23:46 編輯

真正開箱
希望大家細心欣賞

如果未有4K解像度的話，希望大家見諒，因為Youtube對4K嘅處理速度真係好慢

https://youtu.be/ceZTK2tPiAI

希望大家細心欣賞，＠9分27秒位置開始相片環節

TOP

chromechan

Moderator

Rank: 7 Rank: 7 Rank: 7 Rank: 7 Rank: 7 Rank: 7 Rank: 7

3^#

發表於 2016-6-25 23:23 | 只看該作者

本帖最後由 chromechan 於 2016-8-12 23:41 編輯

聽感分享...........

唔關事：今次真係破產....買完FXA7之後....阿某人知道咗

要我買隻W800BT俾佢玩

前言：Fender呢隻牌子，我完全唔識，係聽呢度師兄講，我先上網check下先，得知Fender係極度出名嘅結他品牌後，即時whatsapp有錢買結他，無錢買手機套

嘅朋友，結果係佢都唔知Fender出耳機，然後佢就好似中咗毒咁樣話想買

(成功放毒？)

試咗幾個鐘，耳油係咁滴

因為我冇乜聽高級耳機

雖然我知道幾千蚊對耳機嚟講其實係濕濕碎，卜卜脆，但係對比我隻SE215都已經有一個大差距.......喺5-6年前(好似係)，我曾經好好彩聽過一隻4千幾蚊嘅耳機，實際係咩牌子我真係唔知，但係嗰隻感覺上同依家嘅Z5差唔多，嗰時嚟講，真係好誇張......

之後喺大約2013年左右(好似係，因為我喺同年買咗Xperia Z1)我入手咗SE215(就係貪佢有低音

)，但係我嘅感覺逐漸麻木，對好多嘢喺聲音上有唔同嘅感受
容我喺度舉例一下，Vitas嘅奉獻同埋Opera 2，其中嘅低音SE215係做到少少感覺出嚟，不過仲未足夠，而喺人聲高音方面，完全一劈劈，細緻度只可以講係完全零

而喺嗰個時間，奉獻呢首歌，我除咗最高音嗰幾秒唔得之外，其他都尚算拉到上去

不過我寧願喺學校Lunch嘅時候同朋友，仲有音樂老師去音樂室播呢首歌不停loop

(btw,隻4千幾耳機係音樂老師嘅)

喺幾年後，即係2015年初，我對聽歌嘅需求更加高，所以我開始用Macbook Pro接SE215聽，起初感覺ok嘅，不過始終咁大部，唔係咁容易攜帶，咁我就開始考慮買部電話聽，因為Xperia Z1嘅推力真係麻麻，由於我係電話外形控，所以我基本上只係選擇Sony手機，當時係Z3+，可惜熱烈問題極度困擾著呢部電話(金色真係好靚，條邊反光架)，之後2015 IFA(9月頭)，Sony正式發佈咗Xperia Z5系列，雖然都係熱情如火嘅Snapdragon 810，辛苦等到11月，Z5 Premium先出

，經過我大量嘅測試(當時仲喺惠豐中心)，同埋用SE215試聽之後，我就決定訂Xperia Z5 Premium嘅鏡銀(又係外形行先

)，Z5 Premium嘅推力明顯係強過Z1嘅，低音量輸出曾經同Z3比較，明顯有進步，所以我都覺得SE215仍然可以接受..........

洗錢嘅惡夢自2015年嘅3月開始啦，3月蘋果發佈咗有Force Touch TrackPad嘅Macbook Pro Retina，本身本人對呢啲嘅冇物理按鍵完全零抵抗力，加上之前試過早期其他不同Macbook類型嘅TrackPad，明顯覺得新嘅TrackPad改良好多，所以買咗接近Full Spec嘅13"(512GB SSD)返屋企，之後11月就上面講咗係Z5 Premium，然後就係4月嘅Sony a6300(又係被放毒)，之後喺兩個禮拜後，唔知點解又身痕就買咗部iPad Pro 256GB WiFi返屋企，到2個月後嘅今日(6月25日)，又被咁多位師兄放毒，買咗FXA7

未曾擁有過Macbook，相機，iPad嘅小弟，終於唔知點解一次過買晒返嚟，滿足咗2015年之前嘅人生

加上目前呢隻耳機，我仲有嘢要買

估唔到1000字都唔係咁難寫喎

而喺聽感方面，更新少少過住引先

聽感
似乎我唯一可以比較嘅係SE215，如果各位師兄唔介意嘅話，我加埋我記憶中朋友嗰隻Z5，而我當中嘅媒介係Macbook Pro Retina 13” 2015年版本，入面嗰粒係Cirrus Logic CS4208，唔好問我呢粒係咩spec，因為我都唔知.......
好啦，我開始啦，SE215用咗幾年，一直都相安無事，直至我有一日無聊冇嘢做去咗銅鑼灣東角中心走咗轉，嗰時我覺得SE215好似差緊啲嘢咁樣，對比headphone同埋好似係4千嘅耳機(應該唔係Z5，至於係邊隻...麻煩師兄們順便幫我補充一下)，試完之後，我就一直諗，點樣先可以令我隻SE215嘅人聲更加突出又唔使洗錢呢？結果我就好無聊地，不停煲同一首高音歌，老實講，煲咗一日，我聽唔出有咩大分別，之後我遇到一個用Westone嘅朋友，佢借咗佢隻溶溶爛爛耳綿嘅UM1比我試，感覺好正(只限高音)，低音可以話係冇，進一步問一下，佢係初音未來啲friend….難怪佢鍾意呢類型嘅耳機，而我其實我都唔知自己鍾意邊類型嘅歌....只係知道啱自己類型嘅音樂係極窄，其中包括Vitas嘅奉獻、Opera 2，林志炫嘅認錯、散了吧，基本上主要係極頹，失戀類嘅歌，又或者高音嘅歌，某人成日話我做咩成日聽呢啲歌，又唔係失戀.......又或者咁講，邊有男仔鍾意高音歌.....，我嘅答案次次都係一樣，點知啫

又寫咗接近500

聽晒啱我聽嘅歌啦，終於..........我嘅感覺都開始有啲唔同啦，首先我想講嘅係，始終我冇DAP或者DAC或者DAP+DAC啦，咁都其實唔會話太大分別，只係我開始試下唔同EQ睇下會唔會有大分別咁樣，就係咁我就喺Z5 Premium加重Clear Bass，點知竟然可以將呢隻怪獸解放，啲bass勁到呢，大家試下聽Gangnam Style就知道架啦
雖然咁講衰咗啲，不過我只可以講，電話嘅EQ有10級，我set到5就已經係Z5低音嘅級數，而我set到9就覺得perfect，同埋開咗Clear Bass感覺上唔會影響其他音樂同埋人聲，的確唔錯，然後今日就order咗條銅銀線，一星期後到，之後再寫落去

繼續更新先~~~是咁的，我返唔到去

點解呢，話說自己用隻耳煲咗一段時間，感覺上喺低音圓滑咗，靚咗，整體空間感繼續有強化，無聊用SE215或者小米嘅圈鐵試吓都完全貼近唔到FXA7嘅空間感，同時，我諗返起Z5嘅聲音，FXA7同埋Z5嘅低音係兩種截然不同嘅低音，感覺上Z5嘅低音喺來自石屎森林，而FXA7就係來自廣闊嘅海洋，唔係講緊Z5同埋FXA7嘅低音強度，而係呢兩隻耳機比我嘅感覺，呢兩隻嘅低音我都非常鍾意，但係聽咗FXA7一排之後，開始感覺到Fender嘅實力，的而且確覺得冇乜味精，本人本身唔係好鍾意味精，正如我唔鍾意AMOLED一樣，對一啲取巧嘅嘢係完全冇好感，呢個亦都係我對呢隻耳機嘅感覺
好啦，講咗咁多優點，講返缺點，帶咗一段時間，覺得好大粒

同埋我希望Fender可以出面蓋換耳機顏色，因為金色.....好搶眼.....缺點講完啦，仲唔夠呀，等我條線返嚟再試下啦，依家諗緊好唔好普通買隻DAC頂住先，定係買隻Player玩吓，我唔想咁厚，咁肥囉，唔係唔得呀嘛

繼續慢慢更新

今日真係好無聊，同班fd打機，試下呢隻耳筒，隻Rainbow Six，搞到我聽聲好準確，方位正確，同時爆炸聲方面嘅低頻，我好鍾意，果然慢慢煲係感受到不同嘅改變，而因為呢隻耳筒，我有超水準嘅發揮...........update住先

預計星期二先收到，啱啱一個禮拜，好準時，可能星期一

好啦好啦，線今日到咗，一開始覺得好奇怪，不過經過一段時間嘅爬文之後，我發現呢個似乎係條線嘅特性，然後配合上我隻FXA7感覺到條先帶俾我嘅雙重質感，低音既強度，高音嘅清脆感全都入晒隻耳，我只想講，暫時嚟講，除咗條線嘅聽診器效應有點強(對比原廠線)之外，呢條線可以給我的是唔需要買DAC或者DAP(不過都係暫時性)，等到我遲啲有工返

嘅時候，我會考慮買一隻靚仔嘅DAP，然後第一日收到銀銅線嘅聽感就去到呢度，遲啲可能有另一個感覺

就係咁樣，我就聽咗一個禮拜，感覺到聲開咗，今日手多將Z5P嘅ClearBass降低咗少少，不過低音嘅震撼不減，似乎係動圈開始進入成熟期，喺人聲亦有圓滑嘅改善（測試歌曲為Vitas嘅奉獻.flac

），每件樂器嘅獨立性比以往更為突出，我有時候聽歌嘅時候唔知點解會進入咗一個狀態就係好鍾意聽有幾多隻樂器喺度演奏緊，然後因為我只係用SE215同埋呢隻FXA7進入過呢個狀態，所以我只可以形容SE215喺2D，而FXA7係3D咁樣，相對上有層次感，不過呢個似乎係錄音，混音，歌曲嘅配合，唔知道有冇師兄有The Phantom of The Opera？最近想聽吓，唱下呢類型嘅歌

TOP

cms4c17