[周邊配件] PS4 藍芽發射器

想響部PS4駁到本身用緊既 KZ HDSE 藍芽耳塞，但唔鍾意頭帶式耳機，搵左一星期都搵唔到支援PS4既藍芽耳塞，唯有退一步用藍芽發射器

測試物品
Creative BT-W2 藍芽發射器，支援Aptx, Aptx-LL
Avantree Bluetooth USB audio Adapter 藍芽發射器，支援Aptx, Aptx-LL
Avantree Clipper Pro 藍芽接收器，支援Aptx, Aptx-LL
KZ HDSE 藍芽耳機，支援Aptx
KZ 藍芽升級線駁 ZST，因說明書內只係講解Aptx技術，但支援格式Aptx又不包括在內，只能估計支援Aptx
Avantree Audition Pro 頭帶式 Headset，支援Aptx, Aptx-LL

如非特別注明，測試方法為PS4上觀看netflix，純個人感受
1. Creative BT-W2  + KZ HDSE 藍芽耳機，聲音近乎冇DELAY，好貼嘴形
2. Creative BT-W2  + Avantree Clipper Pro，結果係冇反應，失敗
3. Creative BT-W2 + KZ 藍芽升級線駁 ZST，有delay，約半秒，個人可接受
4. Avantree Bluetooth USB audio Adapter  + KZ HDSE 藍芽耳機，效果接近1
5.  Avantree Bluetooth USB audio Adapter  + Avantree Clipper Pro，效果接近1
6. Avantree Bluetooth USB audio Adapter  +  KZ 藍芽升級線駁 ZST，有delay，效果接近3，但差於3
以下係試下 Aptx-LL 既Ｈeadset，結果有D跌眼鏡
7. Creative BT-W2  +Avantree Audition Pro 頭帶式 Headset，有delay 約半秒，效果好於3少少
8. Creative BT-W2  +Avantree Audition Pro 頭帶式 Headset，響youtube 睇家有喜事，效果同7一樣
9. Avantree Bluetooth USB audio Adapter  +Avantree Audition Pro 頭帶式 Headset，響youtube 睇家有喜事，效果同7一樣

後記

點解係用KZ 品牌去試？因為呢個品牌耳機我最常用
點解話唔鍾意頭帶式，又會有部頭帶式headset出現？因為部headset 唔係我用
點解冇試MIC？因為唔識響GAME 度用，反正衰到無朋友，都冇朋友傾計

用 Creative BT-W2  + KZ HDSE 藍芽耳機，會間唔中出現無聲一兩秒，但情況唔多，問題應該響隻 KZ HDSE 度，終於係平野
效果似乎最好係用 Creative BT-W2 + Aptx 既藍芽耳機，但HK 好似買唔到，要去AMAZON
最實用應該係Avantree Bluetooth USB audio Adapter ，有需要時再加Avantree Clipper Pro，方便換任何有線耳機
因為趕住出街，以上測試半小時內完成，返屋企後憑記憶寫返出黎，因為唔識分音質好壞，所以只講對聲音延遲既感受