(轉貼)$148檢查+維修電腦好昂貴!!

本帖最後由 JIMillim 於 2018-11-6 12:06 編輯

https://www.facebook.com/HIspita ... 4PGQ03E&fref=nf
好好睇(#Hispitality1121 Oscar)...

1

0

PTP

進階會員

Rank: 3 Rank: 3 Rank: 3

2^#

發表於 2018-11-6 01:16 | 只看該作者

無野睇既？

TOP

JIMillim

進階會員

Rank: 3 Rank: 3 Rank: 3

3^#

發表於 2018-11-6 01:21 | 只看該作者

真係不知道講咩好。。生意已經很難做，點解啲人淨係識睇自己嘅利益而忽略了其他人嘅感受及努力呢。。我想比所有人知道，這個世界冇免費午餐㗎。。
話說早2日，有位客人來我舖話要維修電腦。。先講他的衣著先，應該睇佢大約40嵗左右。。Polo款Tee，“話沙池”牛仔褲，Nike Air Jondon 11代波鞋(唔知真定假)。。心諗：見你著成咁，都唔會差得去邊。。跟著我將佢部放上工作枱面作簡單檢查，同埋著吓佢部機睇吓著唔著到。這個時間我都會唔理嗰客講咩。。一切憑我雙眼見到作實。。對話如下：
我：你部機著一著就熄，可能係底板問題喎，要作詳細檢查先知，大約要2至3個鐘才知道。。
客：要咁耐㗎咩。。？？？咁如果真係壞底板，咁咪要成日甚至明日才攞得。。？？？
我：咁又唔係嘅，如果你夜得嘅，咁可以今晚約11點鐘到俾到你嘅。。
客：ok嘅，我都夜瞓。。
我：咁我幫你開張維修單俾你，你到時攞張回條落嚟攞機喇。。
客：等陣先。。要唔要檢查費㗎。。？如果檢查後唔整要唔要收錢。。？
我：要，由於我哋新開張，有HKD 50一次性人工扣減優惠，原價HKD 198枱機檢查及維修，現在則需要HKD 148。。
客：嘩，咁貴㗎。。你哋熟手嘅話，唔使半個鐘就知道發生咩事喇。。
我：如果單單憑我肉眼及簡單檢查就斷定你塊底板有問題嘅話，咁我訂咗件零件返嚟，裝咗上去又係著一著就熄，咁件貨係唔係你負責先。。？？？所以我這個檢查不但保障你，亦都係保障我的名譽。。
客：但是HKD 148檢查及維修費有點貴喎，可唔可以我幫襯你維修而免檢查費。。？？？
我：可以，只不過我會係零件費加收費用。。
客：車，咁即是冇減過。。
我：係呀。。**先生，我間舖要交租，要人工，如果個個入嚟維修電腦，我都係賺幾十蚊零件費嘅話，咁在不久嘅將來你將會係新聞到見到我**。。
客：點解。。？？？
我：餓死咗係間舖度。。再講，HKD 148檢查及維修費，已經做到好平㗎喇。。你諗吓，我最少都用3個鐘去檢查你部電腦，將HKD 148除3等於HKD 49.33一個鐘，如果你維修要更換零件，最少都要用多1個鐘。。請將HKD 148除4等於HKD 37個鐘。。37蚊個鐘你都唔比我，就嚟連最低工資都冇，唔餓死就有鬼了。。
客：咁點解人哋做上門檢查可以免費先。。？？？
我：話就話免費，其實當你Say Yes維修嗰刻開始，你就已經一頸血了。。仲要檢查馬馬虎虎。。亂估問題所在。。唔信，你試吓囉。。分分鐘二手件當全新件賣比你。。
客：咁我攞返先，唔整住。。
我：隨便你。。
現在我只希望佢千祈唔好返來搵我，因為我覺得穿“身光頸嶺”，仲要打死狗講價。。仲要抓瀾腳。。真係肉酸。。整部電腦俾百幾蚊人工都牙痛咁聲。。真心講句：少你一個客唔少，多你一個客唔多，唔做好過做。。
真係對住呢啲客真係“等”佢可憐。。百幾蚊人工都俾唔起，仲學人話要玩高科技。。我睇佢連藍牙都唔知咩嚟。。真可憐。。

TOP

free3sky

進階會員

Rank: 3 Rank: 3 Rank: 3

4^#

發表於 2018-11-6 01:49 | 只看該作者

生意難做

TOP

PTP

進階會員

Rank: 3 Rank: 3 Rank: 3

5^#

發表於 2018-11-6 02:24 | 只看該作者

本帖最後由 PTP 於 2018-11-6 06:47 編輯

個行頭一早已經比人搞到爛曬，養到D客壞曬，佢心態係你唔做，大把人做，大把人平過你，亦唔係剩係你識做，佢認為唔係D乜野專業野，我宜家比生意你做咋,所以亦唔需要尊重你，但佢唔識又要大人地，但又想偷你師，知完又唔洗搵你，部機全新可能都好平，而且又係買垃圾料，佢唔知係垃圾料先禁平，可能二手執番黎件垃圾好平唔洗錢又得,所以佢覺得垃圾要整的話一定垃圾價先會整或甚致想屈或呃你免費整好，所以垃圾機就會配番個垃圾機主,最好你檢查途中正常番,屈你乜都無做過話你地做呢行既呃人錢,而且又未報實價就整好又無問佢整唔整先,佢就大條道理呃你免費整好部機,，你唔保持番正常個樣比番佢就一係唱你搞事報警搞到你做唔到生意,所以D咸魚身光頸靚都係充比人睇令人地有覺得佢好有貨,其實呢D人唔做作唔度縮人地點充自已大頭鬼呀,剩係說話談吐有問題都已經出賣左呢D人品質低下，佢拎得件垃圾黎整都知個佢係神定係鬼,一分錢一分貨呢個定率都可以反轉套番係個客身上