折尿袋

C_Law

有個大約 2022 年 11 月尾逃返來的尿袋，已用到有小小發漲，大約上個月中更發現顯示電池量的兩個半字 7 劃 LED Display 一直顯示 0%，不敢再用了。

諗住上逃佬買尿袋，見到有外形同我個舊尿袋一樣的套件賣(充電板 + 外殼)：
https://item.taobao.com/item.htm?id=898422640519

以往因為個舊尿袋的殼不覺眼有接口位，不知怎樣拆，不過係逃佬個套件組裝 Video 就睇到個殼結構好似火柴盒，其中一邊(無 USB 插座)係有個有倒扣的蓋鎖住個火柴盒，原來係這個蓋做得好貼位，根本無位去撬開，令我以為係無得拆。

睇完 Video 後諗諗，係個蓋位打斜邊用粗銼磨下，有機會可以撬得開個蓋，反正已經當個尿袋已死，就膽粗粗試下，果然磨走小小之後感覺到個蓋有點鬆洞，可以攝把薄身一字眼鏡螺絲批入去，結果成功撬開個蓋，將個火柴盒拉出。(因為我只磨一角，由一邊伸螺絲批去撬，力度集中在一邊，撬斷了另一邊最遠的一個扣，不過，應該都可以穩陣扣返埋，個盒可以重用。如果磨兩邊角，再由兩邊去撬，或者可以更好的將個蓋撬開。)

拆開後見到我個舊尿袋直頭係上面逃佬 Link 個尿袋一模一樣。

這尿袋本來買來為一部 Intel N5100 CPU 的 Windows 平板電腦用，舊年這部電腦用到電池發漲，於是上逃佬買電更換，但一時大意買錯  3.7V 的電(原裝係 3.85V)，可能因為電池電壓不同，部電腦偵測電量出錯，使用時電量 % 會跌得好快，用一陣就跌到話接近無電要自動休眠(但其實塊電仍然有電)，於是又再逃過兩塊 3.85V 電返來換。結果當初買的兩塊 3.7V 電一直閒置。
https://www.hkepc.com/forum/viewthread.php?fid=19&tid=2728516

如今正好拎塊電出來駁舊尿袋塊充電板用。初步測試過，將一塊 3.7V 電駁去尿袋塊充電板，好似可以正常運作。不過個舊尿袋殼放不入這兩塊電(照睇逃佬 Link 的描述，先將兩塊電並聯再駁去充電板)，要另外搵個膠盒做殼，用到這兩塊電死電先至再逃 1260110 返來換。

雲一0一

呢種扣下次可以試下貼張膠紙再扯起，面積夠就用吸盤

C_Law

呢種扣下次可以試下貼張膠紙再扯起，面積夠就用吸盤
雲一0一 發表於 2025/11/11 19:59

這個舊尿袋係 10,000mAh 款，個殼得 16mm 厚，加上底蓋有條凸起的圍邊，實際可落吸盤的位置應該不足 15mm，可用的吸盤好細個，應該難以靠吸盤去拆個底蓋。

靠貼膠紙去扯甩個底蓋都要幾大力的膠紙，之後撕返走張膠紙同清理膠跡都要花一輪功夫。

都係銼走小小角位之後去撬底蓋的方法最懶最慳功夫。

alax

除非你对呢个壳情有独锺，否则我觉得唔值得再花钱落呢种软包电池身上

via HKEPC Reader for Android

C_Law

除非你对呢个壳情有独锺，否则我觉得唔值得再花钱落呢种软包电池身上  

via HKEPC Reader for Android ...
alax 發表於 2025/11/12 08:23

我不要求大容量(10000mAh 就夠)，這種尿袋個殼薄身容易攝埋入平板個袋同埋較輕身，如果用  18650 要 3~4 粒先至有 10000mAh，加埋個殼就又厚又重，用 21700 就更加厚，難以攝入個袋。

Ian_Seabourne

我不要求大容量(10000mAh 就夠)，這種尿袋個殼薄身容易攝埋入平板個袋同埋較輕身，如果用  18650 要 3~4  ...
C_Law 發表於 2025-11-12 18:34

Lithium Polymer 這種產物，用來做充電寶，雖然輕點，但總是會發脹。換了過1－2年又要換，用了總是後悔。

C_Law

Oooops~~~~應該係塊板死死地！

昨晚將兩塊買錯的 3.7V 電並聯駁去塊板，照 1# 逃佬 Link 的指示激活個尿袋。

當時尿袋顯示電量有 9x%，之後以兩頭 C 線駁住部 Win11平板(事前已充滿電)，開著部平板播片，見到平板的電量無下降，而尿袋的電量就穩定速度下降，反應似係正常由尿袋向平板供電。一直試到尿袋電量跌到落 85% 就暫停測試。

之後用 5V/2A USB 牛經 USB 錶頭以 Micro 線向尿袋充電，錶頭顯示係出盡 2A 輸出。一直充到近 95% 就慢慢跌 A 數，一直充到尿袋顯示 100% 就跌到 0A。都似是正常充電反應。

充滿個尿袋後已經好夜，就無再繼續試。今日瞓醒後按尿袋個掣睇下，仍然顯示 100%，即係過了一晚都無走電。

之後由尿袋 A 頭經 USB 錶頭用 Micro 線向部舊手機充電(臨瞓前專登開手機  Loop 住播片，已用盡手機的電)，開始充電，錶頭都顯示輸出 2A，而尿袋顯示的電量不斷下降，而手機電量又開始上升，似係正常由尿袋向手機充電。睇了大約半個鐘，尿袋電量跌到 80% 左右，而手機電量就充到 3x%，以為正常運作啦，就無再一直睇住，行開去做其他事，

不過，大約再一個鐘後返去睇(即係前後夾埋有個半鐘，正常應該可以把手機由 0 充到滿)，發現USB 錶頭和尿袋都完全熄燈，而手機電量就只得 5x%。按尿袋的掣，尿袋可著返，但電量顯示只得 0%！度充電板的電池兩極電壓，有 3.5xV，雖然電量係低，但又未至於係低到無電。

用返個  5V/2A USB 牛經 Micro 線向尿袋充電，充了十幾分鐘，電量顯示仍然係 0%，拔走火牛等幾分鐘再去度電池兩極電壓，已升上 3.7xV，即係實際上係有電充入電池，只係顯示仍然係 0%。

焊甩充電板一邊電線然後再焊返上去，又照逃佬 Link 的方法激活一次，電量顯示又彈返去 5x%！！

睇怕，係塊充電板死死地！

alax

Oooops~~~~應該係塊板死死地！

昨晚將兩塊買錯的 3.7V 電並聯駁去塊板，照 1# 逃佬 Link 的指示 ...
C_Law 發表於 2025-11-16 20:37

都有咁既可能
如果你有其他充电宝既充电板，可以用其他充电宝充电板测试下有无咁既情
有内阻仪既话可以顺便度埋电池内阻

via HKEPC Reader for Android

Miipp

Lithium Polymer 這種產物，用來做充電寶，雖然輕點，但總是會發脹。換了過1－2年又要換，用了總是後悔。 ...
Ian_Seabourne 發表於 2025-11-13 20:49

睇下點用法, 經常充放, 特別係 chur 盡 QC/PD 高火, 咁就易產生氣體, 只係軟包排唔到氣, 粒 cell 未瓜.

我呢隻 li-poly zmi 已經 7 年重用緊, 只係間中用下, 完全無脹
   
   

samhk

我也有同款尿袋要換電, 應該係1160110 3.7V, 想問師兄有無好嘅淘寶店介紹？ thanks