本帖最後由 blueseacow 於 2012-2-10 01:38 編輯
早兩個月買左隻Plextor M2P, 雖然係貴左D, 但夠快又用得夠安心, 算係超值..
咁之前隻M2P就放係自己部Desktop度用, 自己仲有部新買既Notebook都想換埋SSD, 行SSD始終係Notebook度用好好多, 慳電D又唔怕佢震, 所以新年前得閒去入貨, 又到左我人生決擇既時候, 究今次買邊隻好呢???
好啦, 言歸正傳!! 本來想搵返隻M2P既, 有諗過加多隻行RAID會快D可惜無晒貨啦!! 問舖佢話轉晒做M3, 睇個價又係平D, 256GB又平過隻M4添(係Crucial M4唔係Plextor M4, 未出架!!) 仲要由三年保提升去五年保, 呢個先係賣點!! 做得五年保一定係對產品有信心先做, 出面好似唔係太多隻SSD做五年?? 咁平時買開野都係呢間舖,同個店長熟買開野所以仲有平少少添, 幾多就唔方便講啦, 總之老友價, 咁當然一野扑鎚啦!! 
.
買左返去, 第一件事當然係幫部Notebook做Backup啦！但最麻煩係部Notebook得一個槽, 所以我要做既野,就係抄晒d有用既野先!好彩部Notebook岩岩買左無幾耐裝唔多野,最衰係佢分既Partition勁唔掂,咁既然轉得就搞埋佢先!!咁換之前又想心郁郁睇下呢隻SSD有幾快, 所以我又要放多轉隻SSD去Desktop機度試試先,睇下同隻M2P差幾遠!!
裝隻SSD之前!!等我又做下開箱文先!等大家先睹為快!!相影得唔靚可能傷大家眼,已經盡量用清清地既色地, 無咁亂!!下次有機會先拎部大機去影先! 好啦!!首先介紹下隻SSD先!!!!
個包裝同上次M2P一樣, 都係包得好密實!!靚靚仔仔!!
M3型號!!據知係用左24nm製程Flash!!比34nm壽命短D,不過依家SSD全部都靠佢個演算法去令SSD壽命更加長!!Plextor就有自己Firmware去提升質素!我睇返個網同之前M2P一樣,佢都係有Instant Restore, Drity Drive State同Global Wear Leveling平均寫入設計去減低抹寫區塊, 仲有個Bad Block manage演算法令D資料可以放係良好區域上,即係唔怕D資料寫左入去D有問題既Flash度?? 而佢既Flash仍然係用日系Toshiba Toggle NAND!!又係一樣行DDR Mode咁去加快Read Write速度!! 而佢亦有寫明True Speed設計, 可以成日Keep住高效能!之前自己試過隻M2P行左幾日再試真係仲Keep到差唔多速度, 呢個設計M3度仍然有!! 另外夠膽係盒度直接寫5年保!!俾到更加大信心去用佢!
咁我買呢隻係256GB版本黎~~
256GB版有510MB/s Read同360MB/s Write, IOP有成70,000!仲快過隻512GB版! 不過佢Read Write唔夠512GB版快?? 但就快過隻128GB幾多下!!再睇埋佢DRAM Cache有512MB DDR3!!同我之前隻M2P一樣!! Cache多D緊係快D! D人成日講話驚停電會寫唔切入去! 都係果句!!香港地有幾何停電呢?! 至於佢Controller我睇人地講都係隻Marvell 88SS9174! 呢隻Controller之前M2P有用開, Crucial M4又有用!似乎依家係最穩陣最少問題既Controller, 所以更加放心啦! 但點解隻128GB得256MB Cache既?? 不過點都好, 其他牌子咩容量唔係64MB就係128MB, Plextor點都多人一倍有多啦!!
好啦!!拆開個盒入面, 拎出黎見到包裝雖然簡單但都放得好齊整!!今次個Mount仍然有送, 仲放得好靚下!!
拎晒出黎再睇真D, 有Mount, CD, SSD同螺絲, 都叫齊晒, 隻CD入面就送左隻True Image OEM HD版俾我用, 背面有CD Key架!真係完全版黎, 正價都要幾百蚊! 大家有其他方法拎到就話唔緊要, 但有正版用咁緊係用埋佢啦!!
好!主角登場!! 真身就係咁!不過無野好睇!!都係一個鋁盒同埋Logo!! 個鋁盒拉絲設計一貫Plextor既高貴作風!! 雖然可能對速度無幫助!但睇落去都特別正D咁!!
型號為PX-256M3!!上面仲有個日本地址??不過據知呢隻野應該台灣做的!!但唔擔心啦!!電腦零件台灣做係正常!!大陸做就話要諗啫!
佢個介面係SATA 6Gb/s, 不過所有SSD都係呢個規格架啦!!只係影開順便影埋!!
咁佢既速度係點?? 暫時賣個關子先!! 試清楚再話俾大家知!!
__________________________________________________________
好..繼續
之前同隻Plextor M3開過箱,咁襯呢幾日得閒再試一試佢既速度, 廢話少講, 即刻Show D分數俾大家睇下先.. 記住隻M3只係24nm製程!! 舊果隻M2P係34nm製程.. 理論上製程愈舊愈快..不過成本關係都無法..好彩Plextor M3改左五年保..都俾到信心你.. 又平左成$500左右..都算係極高性價比啦!!
之前同大家試過隻M2P, 大家可以睇返舊文..
http://www.hkepc.com/forum/viewthread.php?tid=1720083
係呢度同mobile01果邊原來都有人試過..
http://www.hkepc.com/forum/viewt ... &extra=page%3D3
咁到我試啦..我發現我試既原來係最快..:P
咁用返我之前部機既config先
我部機config就係咁
CPU: core i5-2500
RAM: 16GB DDR3-1333 (4GB x4)
MB: asus P8H67M Pro
OS: Windows 7 ultimate 64bit
Driver: Intel RST 10.6 (AHCI mode)
首先試大家鐘意睇既CrystalDiskMark, 睇落去真係唔錯, 係Write慢過隻M2P, 不過都係40MB/s左右, 其他都好接近!! 亦快過其他256GB SSD既測試!! 合格!
之後係另一個試SSD常用既program, 都好快下, 總分有成884!!! 之前隻M2P係886!! 唔係拜拜囉..係真係快多兩分.. 輸係個Write度原來差咁少分數.. 唔知有無邊隻單SSD可以有咁高分呢??
再睇埋另一個AS SSD入面既測試!! ISO有成388MB/s!!勁快!! Program就都有成198MB/s, 呢個快過M2P唔少, 應該係細file黎, 雖然佢製程改左spec都慢少少但實際用起上黎原來快左!!咁game應該都係一堆大file, 就有267MB/s, 都算幾快下!!
好..另一個atto測試..佢read真係去到成510MB/s, Write就362MB/s左右, 同Spec既510MB/s同360MB/s真係一樣,証明D廠真係鐘意拎atto個分做標準!! 對比起其他25nm級既SSD, M3應該無咩對手掛??
黎到最實際既抄File呢個動作, 真係閒閒地都300幾MB, 好快下.. 抄一個6.55GB File真係幾十秒搞掂.. 呢d速度真係HDD永遠都追唔上呀..
最後又係試Plextor出名既Instant Restore功能, 即係用過既dirty state同新買返黎既clean state測試.. 咁隻SSD我玩左兩三日, 寫唔同既野落去..然後早兩日再拎出黎係咁E再試一試..大家可以睇下個分別.. 係Seq Read同4K QD32 Write慢左好少外, 其他都差唔多, 算係幾有效!! 真係現過SSD唔會再用返HDD, 好難返得轉頭..所以第日有咩機都會換隻SSD落去做system drive至得!!
好啦..又試完隻M3, 不過M3P又黎緊, 真係追都追唔切, 睇佢spec就快少少, 再要睇埋價先知, 如果第時仲有機要用應該可以再諗諗!!
多謝大家收看 XDD |
簡體版
訂閱頻道
訂閱電子報
發表於 2012-2-7 03:01
| 
