愚人節 Felton 代理搞搞搞震，整左個 ANTEC HCP 850 Platuinum 80+ 白金牛超特價賣 HK$850，1 蚊 1 火仲平過半價，仲要係全模組化、94% 效率、7年保養，結果光速賣 L 晒，好多人話搶唔到哭𠹌佐成晚，而家機會又嚟啦，代理突然又流出極少量貨出來，貧僧都搶左少少貨，見字仲唔快 d 落去搶.............🏃‍♂️。

各位「佛系」朋友相信都是抱住「等緣份到」嘅心態，不過大家真是等到了!! 因為代理商 Altech 宣佈為一眾有緣人帶來了 🧡【Cougar 金牌 PSU 佛系 優惠】🧡，由即日起旗下代理的 Cougar 80 PLUS 金牌電源供應器 GX-S 系列將會一連十四日以「佛系優惠價」發售，最高可達 HK$150 折扣優惠，呢個優惠做到 2020 年 5 月 8 日，緣份過咗就無㗎喇！

Cougar GX-S 系列電源供應器 結合優質性能與簡約外觀，擁有 80-PLUS 金牌節能認證且標準 14 公分體積的電源供應器，於環境溫度 40 度下，依舊穩定供電。將風扇轉數優化，提高溫控效果，降低風扇運行聲音，同時提升對週邊裝置的保護功能，並搭載DC-DC 轉換技術以達到穩定的輸出電壓，提供不停歇的遊戲能量。

丁丁牌隻女朋友一號金牛非常好賣，只可惜受到「武漢肺炎」影響，無貨咗兩個月宜家先有貨翻，全模組化設計、100% 全日系電容，半穚 LLC 諧振 + DC-DC 同步整流結構 ，80 Plus Gold 金牌認証，ARGB 燈效版本再加 HK$100， 強仔代理、10 年保固、抵玩之作。

650W $699 / 750W $799 / 850W $899

貧僧今日行落正都，見佢放左隻 N 年前嘅 ANTEC 牛嚟賣，保養招紙仲要係 ALTECH 代理，咩料 ? 原來呢批牛放咗係正都倉底已經六、七年架啦，佢地打算文物出土價賣街 HK$150，提醒番昨 ALTECH 已不是今 ALTECH，保養點真係要問番正刀。

喜歡 ROG 敗家之眼，又點可以唔用 ROG 敗家之牛 ? 好多客話 ROG THOR 白金牛太貴買唔落手，而家出咗 ROG STRIX 金牛就無藉口啦，Seasonic 代工、超巨型 ROG 散熱片、軸向式靜音風扇，ROG 磁吸貼、全模組化設計、10 年保養，價錢就..........無咁貴囉。

HK$780 (550W) / HK$880 (650W) / HK$980 (750W)